ഒാരം ചേര്‍ന്നു കിടക്കുന്ന നായയുടെ ശരീര ഭാഗത്തിനു മുകളിലൂടെ ഉത്തര്‍പ്രദേശ്​ പൊതുമരാമത്ത്​ വകുപ്പ്​ റോഡ്​ നിര്‍മിച്ചു

59 13/06/2018 admin
img

ആഗ്ര: ഒാരം ചേര്‍ന്നു കിടക്കുന്ന നായയുടെ ശരീര ഭാഗത്തിനു മുകളിലൂടെ ഉത്തര്‍പ്രദേശ്​ പൊതുമരാമത്ത്​ വകുപ്പ്​ റോഡ്​ നിര്‍മിച്ചു. റോഡിനടിയില്‍ പെട്ടു പോയ ശരീരഭാഗം അനക്കാനാവാതെ നായ കിടന്നത്​ മണിക്കൂറുകളോളം. നായയുടെ പിന്‍കാലുകള്‍ പൂര്‍ണമായും റോഡിനടിയിലായി​. ചുട്ടു പൊള്ളുന്ന ടാര്‍ നായയുടെ ദേഹത്ത്​ ചൊരിഞ്ഞുകൊണ്ടാണ്​ റോഡ്​ നിര്‍മാണം തകൃതിയായി നടന്നത്. ആഗ്രയിലെ ഫതേഹബാദില്‍ ചൊവ്വാഴ്​ച രാത്രിയിലാണ്​​ മനുഷ്യ മനഃസാക്ഷിയെ മരവിപ്പിക്കുന്ന ക്രൂരത അരങ്ങേറിയത്​. റോഡ്​ ടാറിങ്​ നടക്കുമ്ബോള്‍ നായക്ക്​ ജീവനുണ്ടായിരുന്നെന്നും നായ വേദനകൊണ്ട്​ ഉറക്കെ ഒാരിയി​ട്ടിട്ടും നിര്‍മാണ തൊഴിലാളികള്‍ അത്​ അവഗണിച്ച്‌​ ജോലി തുടരുകയായിരുന്നെന്നും സമീപത്തെ വീട്ടുകാര്‍ പറഞ്ഞു. എന്നാല്‍ പ്രവൃത്തി നടന്നത്​ രാത്രിയായിരുന്നതിനാല്‍ തൊഴിലാളികള്‍ നായയെ കണ്ടിരുന്നില്ലെന്നും റിപ്പോര്‍ട്ടുണ്ട്​. നായയുടെ കാലുകള്‍ റോഡിനടിയില്‍ മൂടിക്കിടക്കുന്ന അവസ്​ഥയിലാണ്​ താന്‍ കണ്ടതെന്ന്​ ആഗ്രയിലെ പൊതുപ്രവര്‍ത്തകന്‍ ഗോവിന്ദ്​ പരാശര്‍ പറഞ്ഞു. വേദനകൊണ്ട്​​ പുളഞ്ഞ നായ അല്‍പസമയം കഴിഞ്ഞപ്പോള്‍ ചത്തതായും അദ്ദേഹം കൂട്ടിച്ചേര്‍ത്തു. ജെ.സി.ബി ഉപയോഗിച്ച്‌​ റോഡ്​ കുഴിച്ച്‌​ നായയെ പുറത്തെടുത്ത ശേഷം അദ്ദേഹം അതി​െന സംസ്​കരിക്കുകയായിരുന്നു. റോഡ്​ നിര്‍മാണ കമ്ബനിക്കെതിരെ താന്‍ പരാതി നല്‍കിയിട്ടുണ്ടെന്നും ഗോവിന്ദ്​ പരാശര്‍ പറഞ്ഞു.