സംഘാടനത്തിലും കലാപ്രകടനങ്ങളിലും മികവു പുലര്‍ത്തിയ ഇത്തവണത്തെ സംസ്ഥാന സ്കൂള്‍ കലോല്‍സവ തിളക്കത്തിന് മങ്ങലേല്‍പ്പിച്ചത് മുന്‍ കലാപ്രതിഭ

38 12/01/2018 admin
img

കല്‍പ്പറ്റ: സംഘാടനത്തിലും കലാപ്രകടനങ്ങളിലും മികവു പുലര്‍ത്തിയ ഇത്തവണത്തെ സംസ്ഥാന സ്കൂള്‍ കലോല്‍സവ തിളക്കത്തിന് മങ്ങലേല്‍പ്പിച്ചത് മുന്‍ കലാപ്രതിഭ. 2001ലെ ഹയര്‍സെക്കണ്ടറി കലാപ്രതിഭയാണ് അറസ്റ്റിലായി ഇപ്പോള്‍ വിയ്യൂര്‍ ജയിലിലുള്ള മാനന്തവാടി കുഴിനിലം വേങ്ങാച്ചോട്ടില്‍ ജോബിന്‍ ജോര്‍ജ്ജ്. യുവജനോല്‍സവത്തില്‍ മല്‍സരിക്കാനുള്ള അപ്പീലിന് ബാലാവകാശ കമ്മീഷന്റെ വ്യാജരേഖയുണ്ടാക്കി രക്ഷിതാക്കള്‍ക്ക് നല്‍കിയ കേസിലാണ് ജോബിന്‍ അറസ്റ്റിലായത്. 2001ല്‍ ഹയര്‍സെക്കണ്ടറി കലോല്‍സവം പ്രത്യേകമായാണ് നടത്തിയത്. നാടോടി നൃത്തത്തില്‍ ഒന്നാം സ്ഥാനവും തുകല്‍വാദ്യത്തില്‍ രണ്ടാം സ്ഥാനവും ഓട്ടന്‍ തുള്ളലില്‍ എ ഗ്രേഡും അന്ന് ജോബിന്‍ കരസ്ഥമാക്കി. 2000, 2001 വര്‍ഷങ്ങളില്‍ ജോബിന്‍ വയനാട് ജില്ലാ തലത്തില്‍ ഹയര്‍സെക്കണ്ടറി പ്രതിഭയായിരുന്നു. 97,98,99 വര്‍ഷങ്ങളില്‍ ഹൈസ്കൂള്‍തലത്തില്‍ ജില്ലയിലെ കലാപ്രതിഭയുമായിരുന്ന ജോബിന്‍ കാലിക്കറ്റ് സര്‍വ്വകലാശാല ബി സോണ്‍ കലോല്‍സവത്തില്‍ 2003ല്‍ കലാപ്രതിഭയുമായി. മാനന്തവാടിയില്‍ ജോബ്സ് ആന്‍ഡ് സാബ്സ് നൃത്ത വിദ്യാലയം നടത്തുന്ന ജോബിന് ഒട്ടേറെ ശിഷ്യരുമുണ്ട്. ഇവരില്‍ മിക്കവരും കലോല്‍സവങ്ങളില്‍ ജില്ലാ തലത്തിലും സംസ്ഥാനതലത്തിലും സമ്മാനങ്ങള്‍ വാരിക്കൂട്ടിയവരുമാണ്. തൃശ്ശൂര്‍ സ്വദേശി സൂരജിനും ജോബിനുമായി ഒന്‍പത് വ്യാജ അപ്പീലിന് വ്യാജരേഖയുണ്ടാക്കി നല്‍കിയത് തിരുവനന്തപുരം സ്വദേശിയായ സതികുമാര്‍ എന്നയാളാണ്. ജില്ലാ കലോല്‍സവങ്ങളില്‍ തങ്ങള്‍ പഠിപ്പിക്കുന്ന കുട്ടികള്‍ പിന്നലാവുമ്ബോള്‍ പലനൃത്താദ്ധ്യാപകരും ഇത്തരത്തില്‍ സതി കുമാറിനെ ബന്ധപ്പെട്ട് വ്യാജ അപ്പീലുകള്‍ സംഘടിപ്പിക്കാറുണ്ടെന്നാണ് പോലീസിന് ലഭിക്കുന്ന വിവരം. അപ്പീലിന് വന്‍തുകയാണ് രക്ഷിതാക്കളില്‍ നിന്ന് ഇവര്‍ വാങ്ങുന്നത്. ലക്ഷങ്ങളുടെ തട്ടിപ്പ് സംഭവത്തില്‍ നടന്നിട്ടുണ്ടെന്നാണ് കരുതുന്നത്. അന്വേഷണം മുന്‍ വര്‍ഷങ്ങളിലേക്കും നീണ്ടാല്‍ കൂടുതല്‍ പേര്‍ കുടുങ്ങാനാണ് സാദ്ധ്യത. അതേസമയം, ജയിലിലുള്ള ജോബിനും സൂരജും കഴിഞ്ഞദിവസം ജാമ്യത്തിനായി ശ്രമിച്ചിരുന്നു. പോലീസിന്റെ വാദംകൂടികേട്ട ശേഷം വെള്ളിയാഴ്ച ഇക്കാര്യത്തില്‍ കോടതി തീരുമാനമെടുക്കും. ഇവരെ കസ്റ്റഡിയില്‍ വേണമെന്ന് ആവശ്യപ്പെടാനാണ് ക്രൈംബ്രാഞ്ചിന്റെ തീരുമാനം. വ്യാജ അപ്പീല്‍ ഉത്തരവുണ്ടാക്കിയ കേസില്‍ ആറ് നൃത്താധ്യാപകര്‍ കൂടി അറസ്റ്റിലായിട്ടുണ്ട്.


Top News

ശ്രീജിത്തിന്‍റെ സമരപന്തലില്‍ ചെന്നിത്തലയെ ചോദ്യം ചെയ്ത ആന്‍ഡേ‍ഴ്സണെ യൂത്ത്കോണ്‍ഗ്രസുകാര്‍ ആക്രമിച്ചു!.... കെ.എം മാണിയുടെ മുന്നണി പ്രവേശനത്തെ എതിര്‍ത്ത് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ രംഗത്ത്.... കേരളത്തിന്റെ പ്രശ്നങ്ങള്‍ ചര്‍ച്ച ചെയ്യാന്‍ ദക്ഷിണ റെയില്‍വെ മാനേജര്‍ വിളിച്ചു ചേര്‍ത്ത യോഗത്തില്‍ പങ്കെടുത്തത് കേരളത്തില്‍ നിന്നുള്ള ആറ് എംപിമാര്‍ മാത്രം.... വിഴിഞ്ഞ തുറമുഖ പദ്ധതിയെ പ്രതിസന്ധിയിലാക്കി അദാനി പോര്‍ട്സ് സി.ഇ.ഒ സന്തോഷ് മഹാപത്ര രാജിവെച്ചു!.... കൊട്ടിയത്ത് പതിനാലുകാരനായ മകന്‍ ജിത്തു ജോബിനെ കൊലപ്പെടുത്തിയ കേസില്‍ പ്രതിയായ ജയമോള്‍ കോടതിയില്‍ കുഴഞ്ഞു വീണു!.... 14ാം കേ​ര​ള നി​യ​മ​സ​ഭ​യു​ടെ ഒ​മ്ബ​താം സ​മ്മേ​ള​നം ജ​നു​വ​രി 22ന് ​ഗ​വ​ര്‍ണ​റു​ടെ ന​യ​പ്ര​ഖ്യാ​പ​ന പ്ര​സം​ഗ​ത്തോ​ടെ ആ​രം​ഭി​ക്കും.... താനൊരു ഹിന്ദു വിരുദ്ധനാണെന്ന ആരോപണങ്ങള്‍ തള്ളി നടന്‍ പ്രകാശ് രാജ്!.... പെട്രോള്‍, ഡീസല്‍ വിലവര്‍ധനയില്‍ പ്രതിഷേധിച്ച്‌ സംസ്ഥാനത്ത് 24ന് വാഹനപണിമുടക്ക്.... ഇന്ധനവിലവര്‍ധനവും അന്തരീക്ഷമലിനീകരണവും പ്രതിസന്ധിയിലാക്കിയ മലയാളികളെ രക്ഷിക്കാന്‍ വൈദ്യുത ഗതാഗത സംവിധാനവുമായി കെഎസ്‌ഇബി!.... പൊലീസ് സ്റ്റേഷനില്‍ നിന്ന് മോശം പെരുമാറ്റം നേരിട്ടെന്ന പി ജയരാജന്റെ മകന്‍ ആശിഷ് പി രാജിന്റെ പരാതിയില്‍ എഎസ്‌ഐയ്ക്ക് സസ്പെന്‍ഷന്‍.... പോലീസ് തലപ്പത്ത് അഴിച്ചുപണി; എഡിജിപി ബി സന്ധ്യക്ക് സ്ഥലംമാറ്റം!.... മകനെ കഴുത്ത് ഞെരിച്ചു കൊലപ്പെടുത്തിയത് തന്റെ ശരീരത്തില്‍ സാത്താന്‍ കയറിപ്പോഴാണെന്ന് അമ്മ ജയമോള്‍ പൊലീസിന് മൊഴി നല്‍കി.... മലയാളത്തിന്‍റെ പ്രിയപ്പെട്ട എഴുത്തുകാരി മാധവിക്കുട്ടിയുടെ ജീവിതത്തെ ആസ്പദമാക്കി കമല്‍ സംവിധാനം ചെയ്യുന്ന ചിത്രമായ ആമിയുടെ ട്രെയിലര്‍ പുറത്തിങ്ങി VIDEO.... നെയ്യാറ്റിന്‍കര സ്വദേശി ശ്രീജിവിന്‍റെ കസ്റ്റഡി മരണം സിബിഐ അന്വേഷിക്കും!.... നടിയെ ആക്രമിച്ച കേസില്‍ കുറ്റപത്രം ചോര്‍ന്നെന്ന പ്രതി ദിലീപിന്റെ പരാതി അന്വേഷിക്കേണ്ടതില്ലെന്ന് കോടതി.... താനൊഴിച്ചുള്ളവരെല്ലാം അഴിമതിക്കാരാണെന്ന് കരുതരുതെന്ന് ജേക്കബ് തോമസിനോട് ഹൈക്കോടതി.... തോന്നയ്ക്കല്‍ എല്‍പി സ്കൂളിലെ 57 വിദ്യാര്‍ഥികള്‍ക്ക് ഭക്ഷ്യവിഷബാധയേറ്റു!.... കൊല്ലം കുണ്ടറയില്‍ കൊല്ലപ്പെട്ട ജിത്തു ജോബിന്റെ പോസ്റ്റ്മോര്‍ട്ടം നടപടികള്‍ തിരുവനന്തപുരം മെഡിക്കല്‍ കോളേജില്‍ പൂര്‍ത്തിയായി.... കണ്ണൂര്‍ സ്വദേശിയും ഐഎസ് തീവ്രവാദിയുമായ യുവാവ് സിറിയയില്‍ കൊല്ലപ്പെട്ടതായി റിപ്പോര്‍ട്ട്!.... പ്രധാനമന്ത്രിയുടെ ഓഫീസിന് പിഴ ചുമത്തി അലഹബാദ് ഹൈക്കോടതിയുടെ ലഖ്നൗ ബെഞ്ച് ഉത്തരവിട്ടു!....
FLASH NEWS