രാജ്യചരിത്രത്തില്‍ ഇടംപിടിച്ച മഹത്തായ കര്‍ഷകമുന്നേറ്റത്തില്‍ മഹാരാഷ്ട്രയിലെ ബിജെപി സഖ്യസര്‍ക്കാര്‍ മുട്ടുമടക്കി

208 13/03/2018 admin
img

മുംബൈ ; രാജ്യചരിത്രത്തില്‍ ഇടംപിടിച്ച മഹത്തായ കര്‍ഷകമുന്നേറ്റത്തില്‍ മഹാരാഷ്ട്രയിലെ ബിജെപി സഖ്യസര്‍ക്കാര്‍ മുട്ടുമടക്കി. ആറുദിവസം ലോങ് മാര്‍ച്ച്‌ നടത്തി മുംബൈയിലെത്തിയ ലക്ഷം കര്‍ഷകരുടെ രോഷത്തിനുമുന്നില്‍ അടിയറ പറഞ്ഞ സര്‍ക്കാരിന്, അഖിലേന്ത്യാ കിസാന്‍സഭ മുന്നോട്ടുവച്ച എല്ലാ ആവശ്യങ്ങളും അക്ഷരംപ്രതി അംഗീകരിക്കേണ്ടിവന്നു. ചര്‍ച്ചയില്‍ തീരുമാനമായ കാര്യങ്ങള്‍ നടപ്പാക്കാന്‍ സര്‍ക്കാര്‍ ആറുമാസത്തെ സാവകാശം തേടി. ഒത്തുതീര്‍പ്പുവ്യവസ്ഥ നടപ്പാക്കാന്‍ ആറംഗ മന്ത്രിതലസമിതി രൂപീകരിക്കും. 2017 ജൂണ്‍ 30 വരെയുള്ള കാര്‍ഷികകടങ്ങള്‍ എഴുതിത്തള്ളുമെന്നും വനാവകാശനിയമം ആറുമാസത്തിനകം നടപ്പാക്കുമെന്നും ഉറപ്പുലഭിച്ചു. മിനിമം താങ്ങുവില നിശ്ചയിക്കുന്നത് കിസാന്‍സഭ നേതാക്കളുടെ പങ്കാളിത്തത്തോടെയായിരിക്കും. വിളനാശത്തിന് ഏക്കറിന് 40,000 രൂപ നഷ്ടപരിഹാരം, സര്‍ക്കാര്‍ പദ്ധതികള്‍ക്ക് ഏറ്റെടുക്കുന്ന ഭൂമിക്ക് ഉചിതനഷ്ടപരിഹാരം നല്‍കല്‍ എന്നീ ആവശ്യങ്ങളും അംഗീകരിച്ചു. വിളനാശത്തിന് നഷ്ടപരിഹാരം നല്‍കുമ്ബോള്‍ കേന്ദ്രസര്‍ക്കാരിന്റെ തീരുമാനത്തിന് കാത്തുനില്‍ക്കില്ലെന്നും ഉറപ്പുനല്‍കി. കടലിലേക്ക് ഒഴുകുന്ന വെള്ളം കൃഷിയാവശ്യങ്ങള്‍ക്കായി വഴിതിരിച്ചുവിടുന്നതും വായ്പ എഴുതിത്തള്ളുന്നതിനുള്ള വ്യവസ്ഥകള്‍ ഉദാരമാക്കിയതും അടക്കമുള്ള പ്രഖ്യാപനങ്ങള്‍ പ്രക്ഷോഭകര്‍ ആവേശത്തോടെയാണ് സ്വീകരിച്ചത്. റേഷന്‍ നല്‍കാത്ത കടയുടമകളുടെ ലൈസന്‍സ് റദ്ദാക്കും. ബുള്ളറ്റ് ട്രെയിന്‍ പദ്ധതി നടപ്പാക്കുമ്ബോള്‍ ആദിവാസിഭൂമി ഏറ്റെടുക്കില്ലെന്ന് ഉറപ്പുനല്‍കി. സഞ്ജയ് ഗാന്ധി നിരാധാര്‍ യോജനപ്രകാരം പെന്‍ഷന്‍ രണ്ടായിരം രൂപയാക്കി വര്‍ധിപ്പിക്കും. ഇതിനുള്ള തീരുമാനം നിയമസഭയുടെ നടപ്പുസമ്മേളനത്തില്‍തന്നെ കൈക്കൊള്ളും. കാല്‍നടയായി മുംബൈയിലെത്തിയ പ്രക്ഷോഭകര്‍ക്ക് തിരിച്ചുപോകാന്‍ സൗജന്യ ട്രെയിന്‍യാത്ര അനുവദിക്കണമെന്ന ആവശ്യവും സര്‍ക്കാര്‍ അംഗീകരിച്ചു. ഇതിനുപുറമെ പ്രാദേശികമായ നിരവധി ആവശ്യങ്ങളും അംഗീകരിക്കാന്‍ സര്‍ക്കാര്‍ നിര്‍ബന്ധിതമായി. സെക്രട്ടറിയറ്റ് വളയുമെന്ന് പ്രഖ്യാപിച്ചെങ്കിലും ചര്‍ച്ചയ്ക്ക് സര്‍ക്കാര്‍ നേതാക്കളെ ക്ഷണിച്ച സാഹചര്യത്തില്‍ പ്രക്ഷോഭകര്‍ ആസാദ് മൈതാനിയില്‍ തങ്ങി. മുഖ്യമന്ത്രി ദേവേന്ദ്ര ഫഡ്നാവിസ് അഖിലേന്ത്യാ കിസാന്‍സഭ പ്രസിഡന്റ് ഡോ. അശോക് ധാവ്ളെ, സംസ്ഥാന പ്രസിഡന്റ് ഡോ. അജിത് നാവ്ലെ, സിപിഐ എം എംഎല്‍എ ജെ പി ഗാവിത് എന്നിവരുമായി നടത്തിയ ചര്‍ച്ചയിലാണ് കിസാന്‍സഭ ഉന്നയിച്ച ആവശ്യങ്ങള്‍ അംഗീകരിച്ചത്. തുടര്‍ന്ന് നേതാക്കള്‍ക്കൊപ്പം മന്ത്രിമാരായ ഏക്നാഥ് ഷിന്‍ഡെ (ശിവസേന), ഗിരീഷ് മഹാജന്‍, ചന്ദ്രകാന്ത് ദാദ പാട്ടീല്‍ (ബിജെപി) എന്നിവര്‍ ഒത്തുതീര്‍പ്പുവ്യവസ്ഥകളുടെ കരടുമായി ആസാദ് മൈതാനിയിലെത്തി. മന്ത്രിമാരും ചര്‍ച്ചയില്‍ പങ്കെടുത്ത നേതാക്കളും ഒത്തുതീര്‍പ്പുവ്യവസ്ഥകള്‍ പ്രക്ഷോഭകര്‍ക്കുമുന്നില്‍ വിശദീകരിച്ചു. സിപിഐ എം ജനറല്‍ സെക്രട്ടറി സീതാറാം യെച്ചൂരി അഖിലേന്ത്യാ കിസാന്‍സഭ പ്രസിഡന്റ് അമ്രാറാം, ജോയിന്റ് സെക്രട്ടറി വിജു കൃഷ്ണന്‍, അഖിലേന്ത്യാ ജനാധിപത്യ മഹിളാ അസോസിയേഷന്‍ നേതാക്കളായ മറിയം ധാവ്ളെ, സുധ സുന്ദരരാമന്‍ എന്നിവരുടെ സാന്നിധ്യത്തിലായിരുന്നു ഒത്തുതീര്‍പ്പുവ്യവസ്ഥകള്‍ പ്രഖ്യാപിച്ചത്. ഒത്തുതീര്‍പ്പുവ്യവസ്ഥകള്‍ പാലിച്ചില്ലെങ്കില്‍ കൂടുതല്‍ ശക്തമായ പ്രക്ഷോഭം നേരിടേണ്ടിവരുമെന്ന് ഡോ. അശോക് ധാവ്ളെ പറഞ്ഞു. പ്രക്ഷോഭത്തിന് അഭൂതപൂര്‍വമായ പിന്തുണ ലഭിച്ചതോടെയാണ് സമരത്തെ കൂടുതല്‍ സ്ഫോടനാത്മകമായ ഘട്ടത്തിലെത്തിക്കാതെ പെട്ടെന്ന് ഒത്തുതീര്‍പ്പുണ്ടാക്കാന്‍ സര്‍ക്കാരിനെ നിര്‍ബന്ധിതമാക്കിയത്. ലോങ് മാര്‍ച്ച്‌ കടന്നുവന്ന പ്രദേശങ്ങളില്‍നിന്ന് കിസാന്‍സഭ നേതാക്കളെ അമ്ബരപ്പിച്ചുകൊണ്ട് ആയിരക്കണക്കിന് കര്‍ഷകര്‍ അണിചേര്‍ന്നതും വിവിധ രാഷ്ട്രീയപാര്‍ടികളും സന്നദ്ധ സംഘടനകളും മതസംഘടനകളും പൂര്‍ണമായി സമരത്തെ പിന്തുണച്ചതും പെട്ടെന്ന് ഒത്തുതീര്‍ക്കാന്‍ സര്‍ക്കാരിനെ പ്രേരിപ്പിച്ചു. പത്താംക്ലാസ് പരീക്ഷയ്ക്ക് തടസ്സമുണ്ടാകാതെ സമരം ഏകോപിപ്പിച്ചതും സമരത്തിന്റെ ജനപിന്തുണ വര്‍ധിപ്പിച്ചു.


പ്രളയത്തില്‍ പ്ളസ് ടു സര്‍ട്ടിഫിക്കറ്റുകള്‍ നശിച്ചു പോയതില്‍ മനംനൊന്ത് യുവാവ് ആത്മഹത്യ ചെയ്തു.... കേരളത്തില്‍ ഇനി ശക്തമായ മഴയ്ക്ക് സാധ്യതയില്ലെന്നും ചാറ്റല്‍മഴ മാത്രമാണ് ഉണ്ടാവുകയെന്നും കാലാവസ്ഥ നിരീക്ഷണ കേന്ദ്രം.... പ്രളയക്കെടുതിയില്‍ കേരളത്തിന് സഹായം കൈമാറിയിരിക്കുകയാണ് തമിഴ്‌നാട് ഉപമുഖ്യമന്ത്രി ഒ പനീര്‍ശെല്‍വം !.... വെട്ടുകാട് ചർച്ചിന്റെ 10 ലക്ഷം രൂപ മുഖ്യമന്ത്രിക്ക് കൈമാറുന്നു...... സ്വന്തം ജീവന്‍ പണയം വച്ച മറ്റുള്ളവരെ രക്ഷിക്കാന്‍ ഇറങ്ങിയവര്‍ ഉണ്ട്. അവര്‍ക്കില്ലാത്ത ഒരു ക്രെഡിറ്റും എനിക്ക് വേണ്ട ; ടോവിനോ.... അതിജീവിക്കാനുള്ള ആത്മവിശ്വാസമാണ് ഈ പ്രളയക്കെടുതി നമുക്ക് തന്നതെന്ന് നടന്‍ ടൊവിനോ.... നഷ്ടപ്പെട്ട സര്‍ട്ടിഫിക്കറ്റുകള്‍ സ്‌കൂളുകള്‍ വഴി തിരിച്ചുനല്‍കും; സി രവീന്ദ്രനാഥ്.... പ്രളയത്തില്‍ പൊലിഞ്ഞത് ആയിരക്കണക്കിന് വളര്‍ത്തുമ‌ൃഗങ്ങളുടെ പ്രാണന്‍.... നാളെ മുതല്‍ മുഴുവന്‍ കെ.എസ്.ആര്‍.ടി.സി ബസുകളും ഓടിത്തുടങ്ങും.... മകളുടെ വിവാഹത്തിനായി കരുതിയ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക്.... പ്രളയബാധിതര്‍ക്കായി പ്രവാസി മലയാളികളോട് സഹായം അഭ്യര്‍ത്ഥിച്ച്‌ ആശ ശരത്.... താമസം തുടങ്ങിയിട്ട് ഒരു മാസം; വീടിന്റെ ഒന്നാംനില പൂര്‍ണ്ണമായും മണ്ണിനടിയിലായി.... പ്രളയബാധിതര്‍ക്ക് കുടിവെള്ളവുമായി കൊല്ലത്ത് ട്രെയിന്‍ എത്തി.... പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച 62 കാരനെ ജയിലിലടച്ചു.... ദുരിതശ്വാസ ക്യാമ്ബിലേക്ക് സഹായവുമായി എത്തിയവര്‍ക്ക് കമ്മല്‍ ഊരി നല്‍കി വീട്ടമ്മ മാതൃകയായി.... പ്രളയത്തില്‍ ഒറ്റപ്പെട്ടവരെ രക്ഷപ്പെടുത്താനുള്ള ശ്രമങ്ങള്‍ അവസാന ഘട്ടത്തിലേക്ക്‌.... മുഖ്യമന്ത്രി പിണറായി വിജയനും ദുരിതാശ്വാസ പ്രവര്‍ത്തനങ്ങള്‍ക്കുമെതിരെ സൈനികവേഷത്തില്‍ വ്യാജപ്രചരണം നടത്തിയ ആള്‍ക്കെതിരെ കേസെടുത്തു.... വെള്ളപ്പൊക്കത്തെ തുടര്‍ന്ന് എറണാകുളം-ഷൊര്‍ണൂര്‍ പാതയില്‍ നിര്‍ത്തിവച്ച ട്രെയിന്‍ ഗതാഗതം പുനസ്ഥാപിച്ചു.... കുതിരാനിലെ ഉരുള്‍പൊട്ടലില്‍ നിന്നും തങ്ങളെ രക്ഷിച്ച്‌ മൂന്നുദിവസമായി ഭക്ഷണം നല്‍കിയ കേരള പോലീസിനോട് നന്ദി പറഞ്ഞ് നടന്‍ ജയറാം.... പ്ര​ള​യ​ബാ​ധി​ത ജി​ല്ല​യി​ലെ ദു​രി​താ​ശ്വാ​സ ദു​ര​ന്ത ല​ഘൂ​ക​ര​ണ പ്ര​വ​ര്‍​ത്ത​ന​ങ്ങ​ള്‍ ഏ​കോ​പി​പ്പി​ക്കു​ന്ന​തി​നാ​യി തി​രു​വ​ന​ന്ത​പു​രം ജി​ല്ല​യി​ലെ സ​ര്‍​ക്കാ​ര്‍ ഓ​ഫീസു​ക​ള്‍ ഞാ​യ​റാ​ഴ്ച​ പ്ര​വ​ര്‍​ത്തി​ക്കും....
FLASH NEWS