ലോക്കപ് റൂമുകളില്‍ ഉള്‍പ്പെടെ പൊലീസ് സ്‌റ്റേഷനുകളില്‍ കാമറ സ്ഥാപിക്കാന്‍ സര്‍ക്കാര്‍ !

163 13/04/2018 admin
img

തിരുവനന്തപുരം: കസ്റ്റഡി മരണങ്ങളുടെ പേരില്‍ പൊലീസ് പ്രതിക്കൂട്ടിലായ സാഹചര്യത്തില്‍ ലോക്കപ് റൂമുകളില്‍ ഉള്‍പ്പെടെ പൊലീസ് സ്‌റ്റേഷനുകളില്‍ കാമറ സ്ഥാപിക്കാന്‍ സര്‍ക്കാര്‍ തീരുമാനിച്ചു. ഇതോടൊപ്പം കുറ്റം തെളിയിക്കുന്നതിന് മര്‍ദന മുറകള്‍ സ്വീകരിക്കുന്നത് ഒഴിവാക്കാനും കര്‍ശന നിര്‍ദേശമുണ്ട്. നിര്‍ദേശങ്ങള്‍ പാലിക്കാത്ത ഉദ്യോഗസ്ഥര്‍ക്കെതിരെ നടപടി സ്വീകരിക്കുമെന്ന് ഡിജിപി ലോക്‌നാഥ് ബെഹ്‌റ സര്‍ക്കുലറില്‍ വ്യക്തമാക്കി. സംസ്ഥാനത്തെ എല്ലാ പൊലീസ് സ്റ്റേഷനുകളിലും ഏഴു ദിവസത്തിനകം കാമറ സ്ഥാപിക്കും. രാത്രിദൃശ്യങ്ങള്‍ ഉള്‍പ്പെടെ പതിയുന്ന എച്ച്‌ഡി കാമറ സ്ഥാപിക്കാനാണ് നിര്‍ദേശം. ഒരു മാസത്തെ ദൃശ്യങ്ങള്‍ സൂക്ഷിച്ചുവയ്ക്കുന്നതിനുള്ള സംവിധാനവും ഒരുക്കണം. സ്‌റ്റേഷന്‍ ഓഫിസര്‍മാര്‍ ലോക്കപ്പില്‍ സ്ഥാപിക്കാനുള്ള ക്യാമറ വാങ്ങിയശേഷം ചെലവായ തുക ജില്ലാ പൊലീസ് മേധാവിയെ അറിയിക്കാനാണ് സര്‍ക്കുലറില്‍ വ്യക്തമാക്കിയിരിക്കുന്നത്. ഹാര്‍ഡ് ഡിസ്‌ക് നിറയുമ്ബോള്‍ ദൃശ്യങ്ങള്‍ സിഡികളിലേക്കു പകര്‍ത്തി സൂക്ഷിക്കണമെന്നും നിര്‍ദേശിച്ചിട്ടുണ്ട്. ഏതെങ്കിലും സംഘര്‍ഷവുമായി ബന്ധപ്പെട്ട് നാട്ടുകാര്‍ പിടിച്ചു പൊലീസിലേല്‍പ്പിക്കുന്ന പ്രതികള്‍ക്ക്, അവിടെവെച്ചുതന്നെ റിപ്പോര്‍ട്ടെഴുതി പഞ്ചായത്ത് അംഗത്തിന്റെയോ നാട്ടുകാരുടെയോ സാന്നിധ്യത്തില്‍ സര്‍ക്കാര്‍ ആശുപത്രിയില്‍ വൈദ്യപരിശോധന നടത്തണം. ഇത്തരക്കാരുടെ ദേഹത്ത് പരിക്കുണ്ടെങ്കില്‍ പ്രത്യേകം രേഖപ്പെടുത്തണം. അറസ്റ്റിലാകുന്ന വ്യക്തികള്‍ ഏതെങ്കിലും രോഗമുള്ളയാളാണെങ്കില്‍ അക്കാര്യം ചോദിച്ചു മനസ്സിലാക്കി യഥാസമയം മരുന്നു നല്‍കണം. രാത്രികാലങ്ങളില്‍ പ്രതികളെ ലോക്കപ്പില്‍ സൂക്ഷിക്കേണ്ടിവന്നാല്‍ ഡിവൈ.എസ്.പി., ഡെപ്യൂട്ടി കമ്മിഷണര്‍ എന്നിവരെ അറിയിക്കണം. അറസ്റ്റിലാകുന്നവരെ നിയമാനുസൃതം കാലതാമസമില്ലാതെ കോടതിയില്‍ ഹാജരാക്കണം. പരാതിക്കാരെ ആവശ്യമില്ലാതെ സ്‌റ്റേഷനില്‍ നിര്‍ത്തിച്ചു ബുദ്ധിമുട്ടിക്കരുത്. വേഗത്തില്‍ പരാതികള്‍ തീര്‍പ്പാക്കണമെന്നും ബെഹ്‌റ നിര്‍ദേശിച്ചു. അമിതമായി മദ്യപിച്ച്‌ വഴിയില്‍ കിടക്കുന്നവരെ കസ്റ്റഡിയിലെടുത്ത് പൊലീസ് സ്‌റ്റേഷനിലേക്ക് കൊണ്ടുപോകരുതെന്നു സര്‍ക്കുലറില്‍ നിര്‍ദേശമുണ്ട്. ഇവരെ നാട്ടുകാരുടെ സഹായത്തോടെ അവരുടെ വീടുകളില്‍ എത്തിക്കുകയോ വൈദ്യസഹായം ലഭ്യമാക്കുകയോ ചെയ്യണം.


കാര്യവട്ടം എന്‍ജിനീയറിങ് കോളേജില്‍ ഹോസ്റ്റലില്‍ പെണ്‍കുട്ടികളുടെ സമരം തുടരും.... പുല്‍വാമ ഭീകരാക്രമണത്തില്‍ പ്രധാനമന്ത്രി നരേന്ദ്ര മോദിക്കെതിരെ വിമര്‍ശനവുമായി കോണ്‍ഗ്രസ്.... താല്‍കാലിക കണ്ടക്ടര്‍മാരുടെ സമരം ഒത്തുതീര്‍പ്പിലേക്ക്.... ശബരിമല വിഷയത്തില്‍ ഇനി സര്‍ക്കാരുമായി ചര്‍ച്ചയ്ക്കില്ല; നിലപാട് കടുപ്പിച്ച്‌ എന്‍എസ്‌എസ്.... പ്രതിഫലം 500ല്‍ നിന്ന് രണ്ടുലക്ഷമാക്കി: ആരാച്ചാരാകാന്‍ 12 പേര്‍.... വീരമൃത്യു വരിച്ച സൈനികരുടെ നാമങ്ങള്‍ ശരീരത്തില്‍ പച്ച കുത്തി ഒരു യുവാവ്.... കൊച്ചി മെട്രോയുടെ ബ്രാന്‍ഡ് അംബാസിഡറായി സുരേഷ് ഗോപി.... സൈനികര്‍ക്ക് സ്മാര്‍ട്ട്‌ഫോണ്‍ വിലക്കുന്നു.... സി.പി.എമ്മിനെ വിറപ്പിച്ച ചെ​ങ്കോ​ട്ട​ ​മോഹിച്ച്‌ കോണ്‍ഗ്രസ്.... പുല്‍വാമ ഭീകരാക്രമണത്തില്‍ വീരമൃത്യു വരിച്ച സൈനികര്‍ക്ക് ആദരമര്‍പ്പിച്ച്‌ മമ്മൂട്ടി.... ഐസിസി ടെസ്റ്റ് ബാറ്റ്‌സ്മാന്‍മാരുടെ റാങ്കിങ്ങില്‍ കൊഹ്‌ലി ഒന്നാം സ്ഥാനം നിലനിര്‍ത്തി.... ശരതിനെ വെട്ടിയത് 15 തവണ! ഉപയോഗിച്ചത് കൊടുവാള്‍ പോലുള്ള ആയുധം!.... മിന്നല്‍ ഹര്‍ത്താലുകളില്‍ മാധ്യമങ്ങള്‍ക്കും കര്‍ശന നിര്‍ദ്ദേശങ്ങള്‍ നല്‍കി ഹൈക്കോടതി.... ഇ​ര​ട്ട​ക്കൊ​ല​പാ​ത​ക​ത്തി​നു പി​ന്നി​ല്‍ സി​പി​എ​മ്മെ​ന്ന് ഉ​മ്മ​ന്‍ ചാ​ണ്ടി.... സി.പി രാജശേഖരന്‍ നിര്യാതനായി.... ആറ്റുകാല്‍ പൊങ്കാല: തിരുവനന്തപുരം നഗരത്തിലെ കടകമ്ബോളങ്ങളെയും സ്വകാര്യ വാഹനങ്ങളെയും ഹര്‍ത്താലില്‍ നിന്ന് ഒഴിവാക്കി.... കച്ചവട സ്ഥാപനങ്ങള്‍ തുറന്ന് പ്രവര്‍ത്തിക്കുമെന്ന് വ്യാപാരി വ്യവസായി ഏകോപന സമിതി.... ഹര്‍ത്താല്‍ ആഹ്വാനം ചെയ്തതിനെ തുടര്‍ന്ന് ഡീന്‍ കുര്യാക്കോസിനെതിരെ കോടതിയലക്ഷ്യ ഹര്‍ജി.... മകളെ ശല്യം ചെയ്യുന്നുവെന്നാരോപിച്ച്‌ പിതാവ് യുവാവിനെ കുത്തിക്കൊന്നു.... മോഹന്‍ലാലിന്‍റെ വക്കീല്‍ നോട്ടീസില്‍ മറുപടി നല്‍കേണ്ടെന്ന് ഖാദി ബോര്‍ഡ്....
FLASH NEWS