സംസ്ഥാനത്തെ സ്വാശ്രയ മെഡിക്കല്‍ കോളേജുകളില്‍ മെറിറ്റില്‍ പ്രവേശനം നേടുന്ന എല്ലാ നിര്‍ധന വിദ്യാര്‍ഥികളുടെയും വാര്‍ഷിക ഫീസ‌് സര്‍ക്കാര്‍ നല്‍കും

116 13/06/2018 admin
img

തിരുവനന്തപുരം ; സംസ്ഥാനത്തെ സ്വാശ്രയ മെഡിക്കല്‍ കോളേജുകളില്‍ മെറിറ്റില്‍ പ്രവേശനം നേടുന്ന എല്ലാ നിര്‍ധന വിദ്യാര്‍ഥികളുടെയും വാര്‍ഷിക ഫീസ‌് സര്‍ക്കാര്‍ നല്‍കും. ബിപിഎല്‍ വിഭാഗത്തിലുള്ള എംബിബിഎസ‌് വിദ്യാര്‍ഥികളുടെ വാര്‍ഷിക ഫീസ‌് സര്‍ക്കാര്‍ സ‌്കോളര്‍ഷിപ്പായി അനുവദിക്കുന്ന പദ്ധതിയുടെ മാര്‍ഗനിര്‍ദേശങ്ങളടങ്ങുന്ന വിജ്ഞാപനം പുറത്തിറക്കി. സ്വാശ്രയ മെഡിക്കല്‍ കോളേജുകളില്‍ മെറിറ്റില്‍ പ്രവേശനം നേടുന്ന ബിപിഎല്‍ വിഭാഗത്തിലുള്ള വിദ്യാര്‍ഥികളുടെ ഫീസ‌് നല്‍കുന്നതിന‌് പ്രവേശന പരീക്ഷാ കമീഷണറുടെ നേതൃത്വത്തില്‍ കോര്‍പസ‌് ഫണ്ട‌് രൂപീകരിച്ചും ഉത്തരവിറങ്ങി. 2017﹣18 അധ്യയനവര്‍ഷംമുതല്‍ പ്രവേശനം നേടിയ നിര്‍ധന വിദ്യാര്‍ഥികളുടെ ഫീസ‌് സര്‍ക്കാര്‍ വഹിക്കും. കഴിഞ്ഞവര്‍ഷം എന്‍ആര്‍ഐ സീറ്റില്‍ പ്രവേശനം നേടിയ ഓരോ വിദ്യാര്‍ഥിയില്‍നിന്നും നിര്‍ധന വിദ്യാര്‍ഥികള്‍ക്ക‌് സ‌്കോളര്‍ഷിപ‌് നല്‍കാന്‍ ഈടാക്കിയ അഞ്ചു ലക്ഷം രൂപ സര്‍ക്കാരിന്റെ കോര്‍പസ‌് ഫണ്ടിലേക്ക‌് മാറ്റും. കൂടാതെ സര്‍ക്കാര്‍ വിഹിതവും ഉണ്ടാകും. എംബിബിഎസ‌് പ്രവേശനം നേടിയ വിദ്യാര്‍ഥികളെ സഹായിക്കാന്‍ ആഗ്രഹമുള്ള വിദേശ മലയാളികള്‍ക്ക‌് എന്‍ട്രന്‍സ‌് കമീഷണറുടെ കോര്‍പസ‌് ഫണ്ടിലേക്ക‌് സംഭാവന നല്‍കാം. കൂടാതെ വ്യക്തികള്‍ക്കും സംഘടനകള്‍ക്കും കമ്ബനികള്‍ക്കും ഫണ്ട‌് നല്‍കാം. ഫീ റഗുലേറ്ററി കമ്മിറ്റി നിശ്ചയിക്കുന്ന ഫീസ‌് കോളേജുകള്‍ക്ക‌് എന്‍ട്രന്‍സ‌് കമീഷണര്‍ നല്‍കും. കൂലിപ്പണി, കാര്‍ഷികം, തോട്ടം, കെട്ടിടനിര്‍മാണം, ഹോട്ടല്‍, ചെറുകിട വ്യാപാര സ്ഥാപനം, കയര്‍, കശുവണ്ടി , വീട്ടുജോലി, സ്വര്‍ണപ്പണി, ബീഡി, അലക്ക‌്, ലോട്ടറി വില്‍പ്പന, ബാര്‍ബര്‍, വഴിയോരക്കച്ചവടം തുടങ്ങി 32 മേഖലയില്‍ ജോലി ചെയ്യുന്നവരുടെ മക്കളുടെ ഫീസ‌് സര്‍ക്കാര്‍ വഹിക്കും. പുറമ്ബോക്കില്‍ താമസിക്കുന്നവരും സ്വന്തമായി സ്ഥലമോ വീടോ ഇല്ലാത്തവരുടെയും മക്കളും ഇതില്‍പ്പെടും. വിശദാംശം മാര്‍ഗനിര്‍ദേശത്തിലുണ്ട‌്. ഒരേക്കറിന‌ു മുകളില്‍ ഭൂമിയുള്ളവര്‍ക്ക‌് ആനുകൂല്യം ലഭിക്കില്ല‌. മാസം 25,000 രൂപയില്‍ കൂടുതല്‍ വരുമാനം ഉള്ളവരുടെ മക്കളും അനര്‍ഹരാണ‌്. സ്വാശ്രയ മെഡിക്കല്‍ കോളേജുകളിലെ ഫീസ‌് സാധാരണക്കാര്‍ക്ക‌് അപ്രാപ്യമായ സാഹചര്യത്തില്‍ സ‌്കോളര്‍ഷിപ‌് പദ്ധതി നടപ്പാക്കുമെന്ന‌് എല്‍ഡിഎഫ‌് സര്‍ക്കാര്‍ പ്രഖ്യാപിച്ചിരുന്നു. എന്നാല്‍, എന്‍ആര്‍ഐ വിഭാഗത്തില്‍ അധികം ഈടാക്കുന്ന ഫീസ‌് മാനേജ‌്മെന്റ‌് സ്‌കോളര്‍ഷിപ്പായി നല്‍കുന്ന രീതി പൂര്‍ണമായും ഗുണം ചെയ്യില്ലെന്ന‌ു കണ്ടാണ‌് ആരോഗ്യമന്ത്രി കെ കെ ശൈലജയുടെ നേതൃത്വത്തില്‍ പുതിയ പദ്ധതി തയ്യാറാക്കിയത‌്. മുഴുവന്‍ സീറ്റിലും നീറ്റ‌് റാങ്ക‌് ലിസ്റ്റ‌് അടിസ്ഥാനമാക്കി മെറിറ്റില്‍മാത്രമായിരിക്കും പ്രവേശനം. ‌എന്‍ആര്‍ഐ അടക്കമുള്ള മുഴുവന്‍ സീറ്റിലെയും വാര്‍ഷിക ഫീസ‌് ഫീ റഗുലേറ്ററി കമ്മിറ്റി നിശ്ചയിക്കും.


കാര്യവട്ടം എന്‍ജിനീയറിങ് കോളേജില്‍ ഹോസ്റ്റലില്‍ പെണ്‍കുട്ടികളുടെ സമരം തുടരും.... പുല്‍വാമ ഭീകരാക്രമണത്തില്‍ പ്രധാനമന്ത്രി നരേന്ദ്ര മോദിക്കെതിരെ വിമര്‍ശനവുമായി കോണ്‍ഗ്രസ്.... താല്‍കാലിക കണ്ടക്ടര്‍മാരുടെ സമരം ഒത്തുതീര്‍പ്പിലേക്ക്.... ശബരിമല വിഷയത്തില്‍ ഇനി സര്‍ക്കാരുമായി ചര്‍ച്ചയ്ക്കില്ല; നിലപാട് കടുപ്പിച്ച്‌ എന്‍എസ്‌എസ്.... പ്രതിഫലം 500ല്‍ നിന്ന് രണ്ടുലക്ഷമാക്കി: ആരാച്ചാരാകാന്‍ 12 പേര്‍.... വീരമൃത്യു വരിച്ച സൈനികരുടെ നാമങ്ങള്‍ ശരീരത്തില്‍ പച്ച കുത്തി ഒരു യുവാവ്.... കൊച്ചി മെട്രോയുടെ ബ്രാന്‍ഡ് അംബാസിഡറായി സുരേഷ് ഗോപി.... സൈനികര്‍ക്ക് സ്മാര്‍ട്ട്‌ഫോണ്‍ വിലക്കുന്നു.... സി.പി.എമ്മിനെ വിറപ്പിച്ച ചെ​ങ്കോ​ട്ട​ ​മോഹിച്ച്‌ കോണ്‍ഗ്രസ്.... പുല്‍വാമ ഭീകരാക്രമണത്തില്‍ വീരമൃത്യു വരിച്ച സൈനികര്‍ക്ക് ആദരമര്‍പ്പിച്ച്‌ മമ്മൂട്ടി.... ഐസിസി ടെസ്റ്റ് ബാറ്റ്‌സ്മാന്‍മാരുടെ റാങ്കിങ്ങില്‍ കൊഹ്‌ലി ഒന്നാം സ്ഥാനം നിലനിര്‍ത്തി.... ശരതിനെ വെട്ടിയത് 15 തവണ! ഉപയോഗിച്ചത് കൊടുവാള്‍ പോലുള്ള ആയുധം!.... മിന്നല്‍ ഹര്‍ത്താലുകളില്‍ മാധ്യമങ്ങള്‍ക്കും കര്‍ശന നിര്‍ദ്ദേശങ്ങള്‍ നല്‍കി ഹൈക്കോടതി.... ഇ​ര​ട്ട​ക്കൊ​ല​പാ​ത​ക​ത്തി​നു പി​ന്നി​ല്‍ സി​പി​എ​മ്മെ​ന്ന് ഉ​മ്മ​ന്‍ ചാ​ണ്ടി.... സി.പി രാജശേഖരന്‍ നിര്യാതനായി.... ആറ്റുകാല്‍ പൊങ്കാല: തിരുവനന്തപുരം നഗരത്തിലെ കടകമ്ബോളങ്ങളെയും സ്വകാര്യ വാഹനങ്ങളെയും ഹര്‍ത്താലില്‍ നിന്ന് ഒഴിവാക്കി.... കച്ചവട സ്ഥാപനങ്ങള്‍ തുറന്ന് പ്രവര്‍ത്തിക്കുമെന്ന് വ്യാപാരി വ്യവസായി ഏകോപന സമിതി.... ഹര്‍ത്താല്‍ ആഹ്വാനം ചെയ്തതിനെ തുടര്‍ന്ന് ഡീന്‍ കുര്യാക്കോസിനെതിരെ കോടതിയലക്ഷ്യ ഹര്‍ജി.... മകളെ ശല്യം ചെയ്യുന്നുവെന്നാരോപിച്ച്‌ പിതാവ് യുവാവിനെ കുത്തിക്കൊന്നു.... മോഹന്‍ലാലിന്‍റെ വക്കീല്‍ നോട്ടീസില്‍ മറുപടി നല്‍കേണ്ടെന്ന് ഖാദി ബോര്‍ഡ്....
FLASH NEWS