ഹിരണ്‍മയ'യിലേക്ക് ലക്ഷ്മി തനിച്ച്‌.. ബാലുവും ജാനിയുമില്ല, ആശുപത്രി വിടാന്‍ ഒരാഴ്ച

759 12/10/2018 admin
img

തിരുവനന്തപുരം: വയലിന്‍ മാന്ത്രികന്‍ ബാലഭാസ്‌കറിന്റെ മരണം അദ്ദേഹത്തെ അടുത്ത് അറിയാത്തവര്‍ക്ക് പോലും ഇപ്പോഴും വിശ്വസിക്കാന്‍ സാധിച്ചിട്ടില്ല. ബാലു ഓര്‍മ്മയായിട്ട് പത്ത് ദിവസങ്ങളാകുന്നു. ഇപ്പോഴും സോഷ്യല്‍ മീഡിയ ചുമരുകളില്‍ ബാലുവും വയലിനിലെ മാന്ത്രിക പ്രകടനങ്ങളും തന്നെ. പലയിടത്തായി ബാലുവിനെ അനുസ്മരിച്ച്‌ കൊണ്ട് സുഹൃത്തുക്കളും ആരാധകരും പരിപാടികള്‍ സംഘടിപ്പിക്കുന്നു. ബാലുവിനും മകള്‍ തേജസ്വിനിക്കും വേണ്ടി കണ്ണീരൊഴുക്കുമ്ബോള്‍ തന്നെ ലക്ഷ്മി ജീവിതത്തിലേക്ക് തിരിച്ച്‌ വരാന്‍ വേണ്ടി പ്രാര്‍ത്ഥിക്കുകയും ചെയ്യുന്നു. ലക്ഷ്മിയുടെ ആരോഗ്യനിലയെക്കുറിച്ച്‌ ആശുപത്രി അധികൃതര്‍ പുറത്ത് വിട്ട ഏറ്റവും പുതിയ വിവരങ്ങള്‍ ഇവയാണ്. ചികിത്സ തുടരുന്നു സെപ്റ്റംബര്‍ 22ാം തിയ്യതി അപകടം നടന്നത് മുതല്‍ തിരുവനന്തപുരത്തെ സ്വകാര്യ ആശുപത്രിയില്‍ ഗുരുതര പരിക്കുകളോടെ ചികിത്സയിലാണ് ബാലഭാസ്‌കറിന്റെ ഭാര്യ ലക്ഷ്മി. ലക്ഷ്മിയുടെ ആന്തരികാവയവങ്ങള്‍ക്കടക്കം പരിക്ക് പറ്റിയിട്ടുണ്ടായിരുന്നു. ശരീരത്തില്‍ നിരവധി ഇടങ്ങളില്‍ മുറിവുകളും ഉണ്ടായിരുന്നു. കഴിഞ്ഞ ദിവസമാണ് ലക്ഷ്മിക്ക് ബോധം വീണത്. കണ്ണ് തുറന്നെങ്കിലും സംസാരിക്കാന്‍ സാധിക്കാത്ത അവസ്ഥയിലാണ് ലക്ഷ്മി. ആരോഗ്യ നില മെച്ചപ്പെട്ടതിനെ തുടര്‍ന്ന് ലക്ഷ്മിയെ വെന്റിലേറ്ററില്‍ നിന്ന് ഐസിയുവിലേക്ക് മാറ്റി. കൃത്രിമ സഹായമില്ലാതെ ശ്വസിക്കാനടക്കം ലക്ഷ്മിക്ക് ഇപ്പോള്‍ സാധിക്കുന്നുണ്ട്. ഒക്ടോബര്‍ 8ന് ആയിരുന്നു ലക്ഷ്മിയെ വെന്റിലേറ്ററില്‍ നിന്ന് നീക്കം ചെയ്തത്. വയറിന്റെ ഭാഗത്തുണ്ടായിരുന്ന ഗുരുതരമായ പരിക്കുകളൊക്കെ ഭേദപ്പെട്ട് തുടങ്ങിയിട്ടുണ്ടെന്ന് ആശുപത്രി അധികൃതര്‍ അറിയിക്കുന്നു. ലക്ഷ്മിയുടെ കൈ മുട്ടുകള്‍ക്കും കാലിനും നടത്തിയ ശസ്ത്രക്രിയകള്‍ വിജയകരമായിരുന്നുവെന്നും ആശുപത്രി അധികൃതര്‍ വ്യക്തമാക്കുന്നു. ആദ്യം ദ്രവരൂപത്തിലുള്ള ഭക്ഷണങ്ങള്‍ കഴിച്ച്‌ തുടങ്ങിയ ലക്ഷ്മി ഇപ്പോള്‍ ലഘുഭക്ഷണ സാധനങ്ങള്‍ കഴിച്ച്‌ തുടങ്ങിയിട്ടുണ്ട്. ഒരാഴ്ചയ്ക്കുള്ളില്‍ ലക്ഷ്മിക്ക് ആശുപത്രി വിട്ട് വീട്ടിലേക്ക് മടങ്ങാന്‍ സാധിക്കും. ബാലഭാസ്‌കറിന്റെയും ലക്ഷ്മിയുടേയും മാതാപിതാക്കളും അടുത്ത ബന്ധുക്കളും സുഹൃത്തുക്കളും ലക്ഷ്മിക്ക് ആശ്വാസവുമായി അടുത്തുണ്ട്. വെന്റിലേറ്ററില്‍ നിന്നും മാറ്റിയതിന് പിന്നാലെ ബാലുവിന്റെയും മകളുടേയും മരണവാര്‍ത്ത ലക്ഷ്മിയുടെ അമ്മ ഓമനകുമാരി അറിയിച്ചിരുന്നു. ഡോക്ടര്‍മാരുടെ കൂടി സാന്നിധ്യത്തിലായിരുന്നു ആ ദുരന്തം ലക്ഷ്മിയെ അറിയിച്ചത്. എന്നാല്‍ എല്ലാവരും കരുതിയത് പോലെ പൊട്ടിക്കരച്ചിലോ അതുപോലുളള പ്രതികരണങ്ങളോ ലക്ഷ്മിയില്‍ നിന്നും ഉണ്ടായില്ല. തികച്ചും നിര്‍വികാരയായാണ് ലക്ഷ്മി ആ വേദനിപ്പിക്കുന്ന വിവരം കേട്ടത്. ലക്ഷ്മിയുടെ ഉപബോധ മനസ്സ് ആ സത്യം ഉള്‍ക്കൊള്ളാത്തത് കൊണ്ടാവണം പ്രതികരണം പുറത്ത് വരാത്തത് എന്ന് ഡോക്ടര്‍മാര്‍ കരുതുന്നു. ലക്ഷ്മിയെ സാധാരണ ജീവിതത്തിലേക്ക് തിരിച്ച്‌ കൊണ്ട് വരിക എന്ന ശ്രമകരമായ ദൗത്യമാണ് ബാലുവിന്റെ അച്ഛനമ്മമാരായ ശാന്തകുമാരിക്കും സികെ ഉണ്ണിക്കും, ലക്ഷ്മിയുടെ മാതാപിതാക്കളായ ഓമനകുമാരിക്കും സുന്ദരേശന്‍ നായര്‍ക്കും മുന്നിലുള്ളത്. തിരുവനന്തപുരത്തെ തിരുമല വിജയമോഹിനി മില്ലിന് സമീപത്ത് എല്‍ഐസി ലെയ്‌നില്‍ ഹിരണ്‍മയ എന്ന വീട് ഇത്രയും നാള്‍ ബാലുവിന്റെ സംഗീതവും ജാനി മോളുടെ കളിയും ചിരിയും നിറഞ്ഞതായിരുന്നു. ഇനി ആ വീട്ടില്‍ മരണം അവശേഷിപ്പിച്ച ശൂന്യത മാത്രമാണുള്ളത്. ആ ശൂന്യതയില്‍ നിന്ന് വേണം ലക്ഷ്മിക്ക് ഇനി ജീവിച്ച്‌ തുടങ്ങാന്‍. ഉറ്റവരും ബാലുവിന്റെ സുഹൃത്തുക്കളും ലക്ഷ്മിക്ക് കരുത്തേകാന്‍ ഒപ്പം തന്നെയുണ്ട്. ബാലു ഇനി ലക്ഷ്മിയിലൂടെ ജീവിക്കും എന്നാണ് സ്റ്റീഫന്‍ ദേവസ്സി അടക്കമുള്ള സുഹൃത്തുക്കള്‍ ആശ്വസിക്കുന്നത്. ബാലുവിന്റെയും മകളുടേയും മരണം ഉള്‍ക്കൊണ്ട് ജീവിതത്തിലേക്ക് തിരികെ വരാന്‍ ലക്ഷ്മിക്ക് സമയമെടുക്കും എന്ന് സ്റ്റീഫന്‍ കഴിഞ്ഞ ദിവസം ഫേസ്ബുക്ക് ലൈവില്‍ പറയുകയുണ്ടായി.


മുന്‍ എംപി എ സമ്ബത്തിനെതിരെ സോഷ്യല്‍ മീഡിയയില്‍ വ്യാജപ്രചാരണം.... കോവളം മുതല്‍ ബേക്കല്‍ വരെയുള്ള ജലപാത വികസിപ്പിക്കാനുള്ള സംസ്ഥാന സര്‍ക്കാരിന്റെ പദ്ധതിയുടെ ഭാഗമായി പാര്‍വതി പുത്തനാറിന് പുതുജീവന്‍.... മമ്മൂട്ടി ചിത്രം 'ഉണ്ട' ഇഷ്ടപ്പെട്ടുവെന്നഫെയ്‌സ്ബുക്ക് പോസ്റ്റിനു താഴെ അശ്ലീല കമന്റുമായി വന്ന യുവാവിന് കിടിലന്‍ പണി കൊടുത്ത് നടി മാലാ പാര്‍വതി.... വിമാനത്തിലെ ആ സംവിധാനം പൈലറ്റിന് അറിയില്ല, ജീവന്‍ പോയത് 346 പേര്‍ക്ക്!.... ജിയോ- ഫ്രീ വോയ്സ് കോളുകള്‍ കണക്‌ട് ചെയ്തില്ല :3 കമ്ബനികള്‍ക്ക് 3050 കോടി രൂപ പിഴയിട്ട് ട്രായി.... പ്രമുഖ പരിസ്ഥിതി പ്രവര്‍ത്തകനും പക്ഷി നിരീക്ഷകനുമായിരുന്ന ബൈജു കെ വാസുദേവന്‍ അന്തരിച്ചു.... സന്നിധാനത്തെ സംഘപരിവാര്‍ കലാപ ഭൂമിയാക്കിയ ചിത്തിര ആട്ടവിശേഷ പൂജാ കാലയളവില്‍ ദര്‍ശനത്തിന് എത്തിയ സ്ത്രീയെ ആക്രമിച്ച സംഭവത്തില്‍ ബിജെപി നേതാവ് വിവി രാജേഷിനെ അറസ്റ്റു ചെയ്തു.... പോ​ലീ​സി​നെ പ്ര​തി​ക്കൂ​ട്ടി​ലാ​ക്കി​ക്കൊ​ണ്ട് കേ​ര​ള​ത്തെ ഞെ​ട്ടി​ച്ച അ​രും​കൊ​ല​യി​ലെ പ്ര​തി​ക്കെ​തി​രേ വ​കു​പ്പു​ത​ല അ​ച്ച​ട​ക്ക ​ന​ട​പ​ടിക്ക് ഒരുങ്ങി ആ​ഭ്യ​ന്ത​ര​വ​കു​പ്പ്.... അരുണാചലില്‍ വ്യോമസേനാ വിമാനം തകര്‍ന്ന് മരിച്ച സൈനികന്‍ കണ്ണൂര്‍ സ്വദേശി എന്‍ കെ ഷെരിന്റെ കുടുംബാംഗങ്ങളെ മുഖ്യമന്ത്രി സന്ദര്‍ശിച്ചു.... സംസ്ഥാനത്തെ വിജിലന്‍സിന് മുഖ്യമന്ത്രി പിണറായി വിജയന്റെ ഗുഡ് സര്‍ട്ടിഫിക്കറ്റ് !.... 11 രൂപയ്ക്ക് കുപ്പി വെള്ളം ലഭ്യമാകും : ഭക്ഷ്യമന്ത്രി പി തിലോത്തമന്‍.... ഹ​യ​ര്‍​സെ​ക്ക​ന്‍​ഡ​റി ഏ​കീ​ക​ര​ണം ശി​പാ​ര്‍​ശ ചെ​യ്യു​ന്ന ഖാ​ദ​ര്‍ ക​മ്മി​റ്റി റി​പ്പോ​ര്‍​ട്ട് ന​ട​പ്പാ​ക്കാ​നു​ള്ള സ​ര്‍​ക്കാ​ര്‍ നീ​ക്ക​ത്തി​ന് തി​രി​ച്ച​ടി.... ജനങ്ങള്‍ നല്‍കിയ അവസരം ക്രിയാത്മകമായി ഉപയോഗിക്കുമെന്ന് പ്രധാനമന്ത്രി നരേന്ദ്രമോഡി.... ഒച്ചയുണ്ടാക്കുന്നവര്‍ക്ക് അത് മാത്രമെ അറിയൂ: മോഹന്‍ലാലിനു വേണ്ടി ആര്‍പ്പുവിളിച്ച ആരാധകരെ വിമര്‍ശിച്ച്‌ മുഖ്യമന്ത്രി.... നടി പാര്‍വ്വതി തിരുവോത്ത് സംവിധായകയാകുന്നു.... ലൂസിഫര്‍ 2 യാഥാര്‍ത്ഥ്യമാകുന്നതിന്‍റെ വ്യക്തമായ സന്ദേശവുമായി മുരളി ഗോപിയുടെ ഫേസ്ബുക്ക് പോസ്റ്റ്.... സംസ്ഥാനത്ത് മത്സ്യവില കുത്തനെ വര്‍ദ്ധിച്ചു !!.... ഡോക്ടര്‍മാരുടെ സമരത്തിനെതിരെ ആരോഗ്യമന്ത്രി കെ.കെ ശൈലജ.... ദേശീയ പാതാ വികസനവുമായി ബന്ധപ്പെട്ടുള്ള പ്രതിസന്ധികള്‍ കേന്ദ്ര ഗതാഗത മന്ത്രിയുമായുള്ള കൂടിക്കാഴ്ചയില്‍ ചര്‍ച്ച ചെയ്ത് മുഖ്യമന്ത്രി പിണറായി വിജയന്‍.... ചീത്തവിളിയും മര്‍ദ്ദനമുറകളുമായി ഓഫീസിലേക്കെത്തുന്ന പൊതുജനങ്ങള്‍ക്ക്‌ മുന്നറിയിപ്പുമായി കെഎസ്‌ഇബി....
FLASH NEWS