ശബരിമല വിഷയത്തില്‍ സമവായം ഉണ്ടാക്കാന്‍ മുഖ്യമന്ത്രി വിളിച്ചുചേര്‍ത്ത സര്‍വകക്ഷിയോഗം പരാജയം

154 15/11/2018 admin
img

തിരുവനന്തപുരം:ശബരിമല വിഷയത്തില്‍ സമവായം ഉണ്ടാക്കാന്‍ മുഖ്യമന്ത്രി വിളിച്ചുചേര്‍ത്ത സര്‍വകക്ഷിയോഗം പരാജയം. ശബരിമല യുവതി പ്രവേശനത്തില്‍ സര്‍ക്കാര്‍ പിടിവാശി തുടരുന്നുവെന്ന് ആരോപിച്ച്‌ പ്രതിപക്ഷം യോഗത്തില്‍ നിന്ന് ഇറങ്ങിപ്പോയി. യുവതി പ്രവേശന വിഷയത്തില്‍ സര്‍ക്കാരിന് സുപ്രിംകോടതി വിധി നടപ്പിലാക്കുക മാത്രമേ മാര്‍ഗമുളളുവെന്ന നിലപാട് സ്വീകരിച്ച പശ്ചാത്തലത്തിലാണ് പ്രതിപക്ഷത്തിന്റെ ഇറങ്ങിപ്പോക്ക്. വിധി നടപ്പാക്കുന്നതില്‍ സാവകാശം തേടണമെന്ന് പ്രതിപക്ഷം ആവശ്യപ്പെട്ടു. അതേസമയം യുവതി പ്രവേശനത്തില്‍ സുപ്രിംകോടതി വിധി നടപ്പിലാക്കുക മാത്രമാണ് സര്‍ക്കാരിന് മുന്‍പിലെ മാര്‍ഗമെന്ന് മുഖ്യമന്ത്രി പിണറായി വിജയന്‍ മാധ്യമങ്ങളോട് പറഞ്ഞു. സര്‍ക്കാരിന് മുന്‍വിധിയില്ല. ഇക്കാര്യത്തില്‍ ദുര്‍വാശിയില്ല. യുവതി പ്രവേശനത്തില്‍ സാവകാശം തേടാന്‍ സര്‍ക്കാര്‍ ഉദേശിക്കുന്നില്ല. യുവതികളെ പ്രവേശിപ്പിക്കാന്‍ പ്രത്യേക ദിവസം എന്ന സാധ്യത സര്‍ക്കാര്‍ പരിശോധിക്കും. ഇക്കാര്യങ്ങള്‍ തന്ത്രിയുമായി ആലോചിക്കും. ഇതിനര്‍ത്ഥം യുവതികളെ തടയുമെന്നല്ല. ശബരിമലയില്‍ എത്തുന്ന വിശ്വാസികള്‍ക്ക് സര്‍ക്കാര്‍ സുരക്ഷ നല്‍കും. ശബരിമല കൂടുതല്‍ യശസ്സോടെ ഉയര്‍ന്നുവരുമെന്നാണ് പ്രതീക്ഷയെന്നും പിണറായി വിജയന്‍ പറഞ്ഞു. വിധി നടപ്പാക്കുന്നതിന് സാവകാശം തേടണമെന്ന് പ്രതിപക്ഷ നേതാവ് രമേശ് ചെന്നിത്തല യോഗത്തില്‍ ആവശ്യപ്പെട്ടു. ഈ തീര്‍ഥാടനക്കാലത്ത് അടിസ്ഥാന സൗകര്യമൊരുക്കാനുള്ള പ്രായോഗിക ബുദ്ധിമുട്ട് ചൂണ്ടിക്കാട്ടി സര്‍ക്കാരിന് കോടതിയെ സമീപിക്കാവുന്നതാണെന്ന് ചെന്നിത്തല പറഞ്ഞു. യുവതീ പ്രവേശനം അനുവദിച്ച വിധി സുപ്രിം കോടതി സ്‌റ്റേ ചെയ്തിട്ടില്ലെങ്കിലും നടപ്പാക്കേണ്ടതില്ലെന്ന് ബിജെപി സംസ്ഥാന പ്രസിഡന്റ് പിഎസ് ശ്രീധരന്‍ പിള്ള പറഞ്ഞു. ജനുവരി 22ന് റിവ്യൂ ഹര്‍ജികള്‍ തുറന്ന കോടതിയില്‍ കേള്‍ക്കുമെന്ന് കോടതി വ്യക്തമാക്കിയിട്ടുണ്ട്. അതു ഫലത്തില്‍ സ്റ്റേയായി കണക്കാക്കാവുന്നതാണെന്ന് ശ്രീധരന്‍ പിള്ള അഭിപ്രായപ്പെട്ടു. ശബരിമല വിഷയത്തില്‍ സര്‍ക്കാര്‍ വിശ്വാസികളെ പരിഗണിക്കുന്നില്ലെന്ന് ശ്രീധരന്‍ പിള്ള കുറ്റപ്പെടുത്തി. മുഖ്യമന്ത്രിയുടെ ചേംബറില്‍ ചേര്‍ന്ന യോഗത്തില്‍ പ്രതിപക്ഷനേതാവ് രമേശ് ചെന്നിത്തല, കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍, ബിജെപി സംസ്ഥാന അധ്യക്ഷന്‍ പിഎസ് ശ്രീധരന്‍ പിള്ള, പിസി ജോര്‍ജ്, മുസ്‌ലിം ലീഗ് നേതാക്കള്‍, മന്ത്രിമാര്‍ തുടങ്ങിയവര്‍ പങ്കെടുത്തു.


Top News

പുതിയ അധ്യനവര്‍ഷത്തില്‍ വിദ്യാര്‍ഥികളുടെ യാത്രകള്‍ സുഗമവും കുറ്റമറ്റതും ആക്കാന്‍ ഓപ്പറേഷന്‍ റെയിന്‍ബോ എന്ന് പേരിട്ട പുതിയ പദ്ധതിയുമായി കോട്ടയം ജില്ലാ പോലീസ്.... പത്തനംതിട്ട പാര്‍ലമെന്റ് മണ്ഡലത്തില്‍ ഒരു എക്സിസ്റ്റ് പോളിനും കാണാന്‍ പറ്റാത്ത തരത്തിലുള്ള അടിയൊഴുക്കുകള്‍ ഉണ്ടായിട്ടുണ്ടെന്ന് എന്‍ ഡി എ സ്ഥാനാര്‍ത്ഥി കെ സുരേന്ദ്രന്‍.... ലാലേട്ടന് വ്യത്യസ്തമായ പിറന്നാള്‍ ആശംസയുമായി കെഎസ് ആര്‍ടിസി കൊട്ടാരക്കര ഡിപ്പോ.... ശബരിമല വിഷയം തെരഞ്ഞെടുപ്പിനെ ബാധിച്ചിട്ടുണ്ടെന്നും ഇത് യുഡിഎഫിന് ഗുണം ചെയ്തുവെന്നും കെ.മുരളീധരന്‍ എം.എല്‍.എ.... ലൈവ് സ്ട്രീമിംഗിന് മേലുള്ള നിരീക്ഷണം ഫേസ്ബുക്ക് ശക്തമാക്കി.... ഉത്തരക്കടലാസ് ചിതലരിച്ചതിനെ തുടര്‍ന്ന് രണ്ട് പരീക്ഷകള്‍ വീണ്ടും നടത്താന്‍ പിഎസ്‌സി തീരുമാനം.... മദ്യപിച്ച്‌ ബഹളം വച്ചതിന് പൊലീസ് കസ്റ്റഡയിലെടുത്തയാല്‍ സ്റ്റേഷന്‍ ശുചിമുറിയില്‍ തൂങ്ങി മരിച്ച നിലയില്‍ : ഉദ്യോഗസ്ഥര്‍ക്ക് എതിരെ നടപടിക്ക് നിര്‍ദ്ദേശം.... പ്രളയത്തിന് കാരണം ഡാമുകള്‍ തുറന്നതാണെന്ന അമിക്കസ്ക്യൂറിയുടെ നിരീക്ഷണം വിചിത്രമെന്ന് ഡാം സേഫ്റ്റി ചെയര്‍മാന്‍ ജസ്റ്റിസ് സി എന്‍ രാമചന്ദ്രന്‍.... ലോക്സഭാ തിരഞ്ഞെടുപ്പ് ഫലപ്രഖ്യാപന ദിവസം അക്രമ സംഭവങ്ങള്‍ ഉണ്ടാകുമെന്ന രഹസ്യാന്വേഷണ വിഭാഗത്തിന്റെ റിപ്പോര്‍ട്ടിനെ തുടര്‍ന്ന് സംസ്ഥാനത്ത് കനത്ത സുരക്ഷയൊരുക്കും.... ലോക്‌സഭാ തെരഞ്ഞെടുപ്പ് ഫലപ്രഖ്യാപനത്തോടനുബന്ധിച്ച്‌ സംസ്ഥാനത്ത് രണ്ടു ദിവസം മദ്യവില്‍പ്പന നിരോധിച്ചു.... തലസ്ഥാനത്തെ വ്യാപാര സ്ഥാപനത്തിലുണ്ടായ തീപിടുത്തം നിയന്ത്രണ വിധേയമാക്കിയെന്ന് ഫയര്‍ഫോഴ്‌സ് ഡയറക്ടര്‍ !.... ന‌ട‌നും നിര്‍മ്മാതാവും സംവിധായ‌ക‌നുമായ‌ പൃഥ്വിരാജിനെ ട്രോളി ഒരു അഡാര്‍ ല‌വ് സിനിമ‌യുടെ സംവിധായ‌ക‌ന്‍ ഒമ‌ര്‍ ലുലു.... റീപോളിംഗ് വിഷയത്തില്‍ മറുപടിയുമായി മുഖ്യ തിരഞ്ഞെടുപ്പ് ഒാഫീസര്‍ ടീക്കാറാം മീണ ; കേരളത്തില്‍ കള്ളവോട്ട് നടക്കുന്നത് പതിവ്.... മോഹൻ‌ലാലിന് ഇന്ന് 59-ാം പിറന്നാള്‍ .... നിപ്പ വൈറസ് ബാധിച്ചവരെ ശുശ്രൂഷിക്കുന്നതിനിടയില്‍ വൈറസ് ബാധിച്ച്‌ മരിച്ച നഴ്‌സ് ലിനിയുടെ ഓര്‍മകള്‍ക്ക് ഇന്ന് ഒരു വയസ്സ്.... കാറുകളുടെയും ഇരുചക്രവാഹനങ്ങളുടെയും തേര്‍ഡ‌് പാര്‍ടി ഇന്‍ഷുറന്‍സ‌് പ്രീമിയത്തില്‍ ഗണ്യമായ വര്‍ധനവ‌ിന‌് ശുപാര്‍ശ.... തിരുവനന്തപുരം നഗരത്തില്‍ വന്‍ തീപിടുത്തം.... 12 ദിവസം നീണ്ടു നിന്ന യൂറോപ്യന്‍ സന്ദശനത്തിന് ശേഷം മുഖ്യമന്ത്രി പിണറായി വിജയന്‍ കേരളത്തില്‍ തിരിച്ചെത്തി.... തെക്കുപടിഞ്ഞാറന്‍ കാലവര്‍ഷം ജൂണ്‍ ആദ്യ ആഴ്ചയോടെ കേരളത്തിലെത്തും.... നി​യ​ന്ത്ര​ണം വിട്ട ബു​ള്ള​റ്റ് മ​തി​ലി​ലി​ടി​ച്ച്‌ ഒരു മരണം....
FLASH NEWS