News


Posted 24/02/2021

കഴക്കൂട്ടം - അടൂര്‍ സുരക്ഷിത ഇടനാഴി : പോലീസ് സ്റ്റേഷനുകള്‍ക്ക് കെ.എസ്.ടി.പി 10 വാഹനങ്ങള്‍ നല്‍കി

കഴക്കൂട്ടം മുതല്‍ അടൂര്‍ വരെയുളള സംസ്ഥാനപാത വാഹനാപകടങ്ങള്‍ കുറച്ച് സുരക്ഷിത ഇടനാഴിയാക്കുന്ന പദ്ധതിയുടെ ഭാഗമായി കേരളാ സ്റ്റേറ്റ് ട്രാന്‍സ്പോര്‍ട്ട് പ്രോജക്റ്റ് (കെ.എസ്.ടി.പി) കേരളാ പോലീസിന് 10 വാഹനങ്ങള്‍ കൈമാറി. 

പദ്ധതിപ്രദേശം ഉള്‍പ്പെടുന്ന പോത്തന്‍കോട്, വെഞ്ഞാറമ്മൂട്,  കിളിമാനൂര്‍, ചടയമംഗലം, പുത്തൂര്‍, ഏനാത്ത് എന്നീ പോലീസ് സ്റ്റേഷനുകള്‍ക്ക് ആറ് മഹീന്ദ്ര മരാസോ കാറുകളും കഴക്കൂട്ടം, കിളിമാനൂര്‍, കൊട്ടാരക്കര, അടൂര്‍ പോലീസ് സ്റ്റേഷനുകള്‍ക്ക് നാല് ബുളളറ്റ് മോട്ടോര്‍സൈക്കിളുമാണ് അനുവദിച്ചത്.  ട്രാഫിക് കോണ്‍, ഫ്ളഡ്ലൈറ്റ് തുടങ്ങിയ സുരക്ഷാ ഉപകരണങ്ങളും ബ്രീത്ത് ആല്‍ക്കോമീറ്റര്‍, ഹാന്‍ഡ്ഹെല്‍ഡ് റേഡിയോ, ബോഡി ക്യാമറ, ലേസര്‍സ്പീഡ് വീഡിയോ ക്യാമറ തുടങ്ങി റോഡരികിലെ ഡ്യൂട്ടിക്ക് ആവശ്യമായ അനുബന്ധ ഉപകരണങ്ങളും ഇതൊടൊപ്പം നല്‍കിയിട്ടുണ്ട്. 

സംസ്ഥാനപാതയിലെ ഈ
പ്രദേശത്ത് വാഹനാപകടങ്ങളും അതുമൂലമുണ്ടാകുന്ന മരണനിരക്കും കുറച്ച് മാതൃകാപാതയായി മാറ്റുകയാണ് പദ്ധതിയുടെ പ്രധാനലക്ഷ്യം.  ഇതിനായി അമിതവേഗം, മദ്യപിച്ച് വാഹനമോടിക്കല്‍, അലക്ഷ്യവും അപകടകരവുമായ ഓവര്‍ടേക്കിംഗ്, റെയ്സിംഗ്, സിഗ്നല്‍ ലംഘനം, സുരക്ഷാമാനദണ്ഡങ്ങള്‍ പാലിക്കാതെയുളള ഡ്രൈവിംഗ്, ഗതാഗത തടസമുണ്ടാക്കുന്ന തരത്തിലുളള പാര്‍ക്കിംഗ് തുടങ്ങിയ നിയമലംഘനങ്ങള്‍ നടത്തുന്നവര്‍ക്കെതിരെ പോലീസ് കര്‍ശനനടപടി സ്വീകരിക്കും.

സംസ്ഥാനപാതയില്‍ വാഹനാപകടങ്ങളും മരണവും വര്‍ദ്ധിക്കുന്നത് സംബന്ധിച്ച്  ട്രാന്‍സ്പോര്‍ട്ട് റിസര്‍ച്ച് ലബോറട്ടറി (റ്റി.ആര്‍.എല്‍) നടത്തിയ പഠനത്തില്‍ റോഡരികിലെ പോലീസ് സാന്നിധ്യം അപകടങ്ങള്‍ കുറയ്ക്കാന്‍ സഹായിക്കുമെന്ന് കണ്ടെത്തിയിരുന്നു. ഇതിന്‍റെ അടിസ്ഥാനത്തിലാണ് പോലീസ് സ്റ്റേഷന്‍ തലത്തില്‍ പദ്ധതി നടപ്പിലാക്കുന്നത്.  ട്രാന്‍സ്പോര്‍ട്ട് റിസര്‍ച്ച് ലബോറട്ടറിയുടെ നേതൃത്വത്തില്‍ പ്രത്യേക പരിശീലനം നല്‍കിയ പോലീസ് ഉദ്യോഗസ്ഥരെയാണ് സംസ്ഥാനപാതയില്‍ പോലീസ് വാഹനങ്ങളില്‍ ഡ്യൂട്ടിക്കായി നിയോഗിക്കുക. മോട്ടോര്‍വൈഹിക്കിള്‍, പൊതുമരാമത്ത് തുടങ്ങിയ വകുപ്പുകളുടെ സഹകരണവും പദ്ധതിക്ക് ഉണ്ട്. 

എന്‍ഫോഴ്സ്മെന്‍റ് വാഹനങ്ങളുടെ മേല്‍നോട്ടം ട്രാഫിക് വിഭാഗം ഇന്‍സ്പെക്ടര്‍ ജനറല്‍  നിര്‍വ്വഹിക്കും. പദ്ധതിപ്രദേശം ഉള്‍പ്പെടുന്ന തിരുവനന്തപുരം സിറ്റി, റൂറല്‍, കൊല്ലം റൂറല്‍, പത്തനംതിട്ട എന്നീ ജില്ലാ പോലീസ് മേധാവിമാര്‍ക്കാണ് പോലീസ് സ്റ്റേഷന്‍ തലത്തില്‍ പദ്ധതി നടപ്പിന്‍റെ ചുമതല.
Views: 206
Create Date: 24/02/2021
SHARE THIS PAGE!

News

പെരിങ്ങാടിനേയും ഗാന്ധിവനത്തേയും റിസർവ്വുകളായി പ്രഖ്യാപിച്ചു.read more


വിദ്യാര്‍ഥികള്‍ക്ക് തൊഴില്‍ അവസരങ്ങള്‍ ഉറപ്പാക്കാന്‍ ജോബ് ഫെയറുകള്‍ സംസ്ഥാനത്തെ എല്ലാ ജില്read more


വ്യാവസായിക പരിശീലന വകുപ്പ് സര്‍വ്വീസ് എക്‌സലന്‍സ് അവാര്‍ഡ് വിതരണം ഇന്ന്read more


കഴക്കൂട്ടം - അടൂര്‍ സുരക്ഷിത ഇടനാഴി : പോലീസ് സ്റ്റേഷനുകള്‍ക്ക് കെ.എസ്.ടി.പി 10 വാഹനങ്ങള്‍ നല്‍കി read more


രാഹുൽ ഗാന്ധി സമരപ്പന്തലിൽread more


ഇന്ന് രാജ്യത്ത് ഇന്ധനവില പെട്രോളിന് 28 പൈസയും ഡീസലിന് 25 പൈസയും വര്‍ധിപ്പിച്ചു.read more


പാര്‍ലമെന്റ് വളയുമെന്ന് കേന്ദ്രസര്‍ക്കാരിന് കര്‍ഷക സംഘടനകളുടെ മുന്നറിയിപ്പ്.read more


കോവിഡ് മാനദണ്ഡങ്ങൾ കൂടുതൽ കർശനമാക്കുമെന്ന് കളക്ടർ നവ്‌ജ്യോത് ഖോസread more


അമേരിക്കയിലെ സംഘര്‍ഷങ്ങളെ അപലപിച്ച് പ്രധാനമന്ത്രിread more


എന്‍സിപി എല്‍ഡിഎഫ് വിടേണ്ട സാഹചര്യമില്ലെന്ന് മന്ത്രി എ കെ ശശീന്ദ്രന്‍read more


പാലായില്‍ മത്സരിക്കുമെന്ന നിലപാട് മയപ്പെടുത്തി പി സി ജോര്‍ജ്read more


മുൻ മന്ത്രി കെകെ രാമചന്ദ്രൻ മാസ്റ്റർ അന്തരിച്ചുread more


സഭാ തര്‍ക്കം: സംസ്ഥാന സര്‍ക്കാര്‍ നിയമ നിര്‍മാണം നടത്തണമെന്നാവശ്യപ്പെട്ട് യാക്കോബായ സഭ പ്രതread more